په لغمان ولایت کې د جګړو له امله ۱۱۶ داخلي بېځایه شوو کورنیو سره د خوراکي او غیر خوراکي توکو مرسته ترسره شوه
لغمان - د غبرګولي 4مه - 1400
د لغمان ولایت پېښو پر وړاندې چمتووالي ریاست, هغو ۱۱۶ کورنیو ته چې د جګړو له امله بېځایه او د سلطان غازي ښارګوټي په موقتي پنډغالي کې مېشت شوي دي له سروې وروسته د لغمان ولایت ټولنیزو چارو مرستیالې آغلې برښنا ساپۍ، پیښو پر وړاندې چمتووالي رئیس انجنیر محمد جاوید نیازي، د کډوالو چارو رئیس انجنیر شاکر الله شاکر او د کلیو بیارغونې او پراختیا رئیس انجنیر مجیب الرحمن ضیاء په شتون کې هرې کورنۍ ته ۵۰ کیلو ګرامه وریجې، ۱۰ لیتره غوړي، ی1 من بوره، 1 من لوبیا، 1 کیلو چای او 1 تخته فرش ووېشل.
