په لغمان کې د شدیدو اورښتونو او سیلابونو له (۴۴) زیانمن شوو کورنیو سره د خوراکي توکو مرستې ترسره شوې
د پیښو سره مبارزې او چمتووالي ریاست په هلو ځلو او د خوراک نړیوال سازمان یا (WFP) په همکارۍ په لغمان کې د تیرو شدیدو ورښتونو او سیلابونو (۴۴) زیانمن شوو کورنیو ته چې د ګډو ټیمونو د سروې په ترڅ کې په نښه شوې وې، د خوراکي توکو مرستې د پیښو سره مبارزی او چمتووالي رئیس انجنیر محمد جاوید نیازي او د (WFP) دفتر د استازو په لاسونو وویشل شوې.
په یادو مرستو کی هرې کورنۍ ته د دوو میاشتو د خوراکي توکو مکمل پیکج (اوړه، غوړي، دال، مالګه او نور توکي) توزیع شول.
د یادونې وړ ده چې نوموړو کورنیو سره پخوا د غیرخوراکي توکو مرستې هم ترسره شوې وې.
