د پکتیا ولایت په ډنډ پټان ولسوالۍ کې ۴ قلمه ناچاوده توکي کشف او خنثی شول
د پکتیا ولایت له پېښو سره د مبارزې آمادګۍ ریاست په همغږۍ، د اومر ماین پاکۍ مؤسسې د چټک غبرګون (OMAR-QRT-02) ټیم، د ډنډ پټان ولسوالۍ د حسنخېل کلي څخه ۴ قلمه ناچاوده توکي کشف او په خوندي ډول له منځه یووړل.
په دغو ناچاوده توکې کې یوه د ۸۱ میليمتري هاوان مرمۍ، یوه ۴۰ میليمتري ګرنیټ مرمۍ، یوه OG7 راکټ مرمۍ او یوه 40mm VOG25 مرمۍ شاملې وې، چې د تېرو جګړو پاتې شوني وو اوس مهال مهال په خوندي توګه له منځه یووړل شول او د سیمې د اوسېدونکو د احتمالي ځاني او مالي زیانونو مخه یې ونیوله.
د پکتیا ولایت له پېښو سره د مبارزې آمادګۍ ریاست له خلکو وغوښتل چې د هر ډول ناچاوده یا شکمنو توکو د لیدو په صورت کې ترې لرې پاتې شي او سمدستي دې اړوندو مسؤلینو ته خبر ورکړي، ترڅو د احتمالي پېښو او مرګژوبلې مخنیوی وشي.
نېټه:۱۴۴۸/۲/۷ هـ ق
له پېښو سره د مبارزې آمادګۍ اداره
