د بغلان ولایت له پېښو سره د مبارزې آمادګۍ ریاست ۱۰۶ زیانمنو کورنیو ته خوراکي او غیرخوراکي مرستې ووېشلې
د بغلان ولایت له پېښو سره د مبارزې آمادګۍ ریاست، د یاد ولایت په بېلابېلو ولسوالیو کې د قدرتي او غیرقدرتي پېښو له امله ۱۰۶ زیانمنو کورنیو ته له سروې وروسته خوراکي او غیرخوراکي مرستې ووېشلې.
په دې بهیر کې هرې کورنۍ ته د مسؤلینو په شتون کې، ٢ بورۍ ٥٠ کیلویي غنم، ۱ بوتل ٥ ليټره غوړي او ۴ تختې کمپلی ووېشل شوې.
د مرستو ترلاسه کوونکو کورنیو د دغو مرستو له ترلاسه کولو څخه د خوښي څرګندولو ترڅنګ، د بغلان ولایت له پېښو سره د مبارزې آمادګۍ ریاست څخه د دغو بشردوستانه مرستو د برابرولو له امله مننه او قدرداني وکړه.
