د کونړ ولایت له پېښو سره د مبارزې آمادګۍ ریاست په شیګل ولسوالۍ کې د مانده او سېلابي لارې د پاکولو او د ډبرو دېوال جوړولو پروژه بشپړه کړه او ګټې اخیستنې ته یې وسپارله
له پېښو سره د مبارزې آمادګۍ ادارې د لوی رئیس، محترم الحاج ملا نورالدین ترابي، د لارښوونې پر بنسټ د کونړ ولایت له پېښو سره د مبارزې آمادګۍ ریاست، د شیګل ولسوالۍ د لچي کلي د مانده او سېلابي لارې د پاکولو او د ډبرو دېوال جوړولو پروژه په بریالیتوب سره بشپړه کړه او ګټې اخیستنې ته یې وسپارله.
د پروژې د پرانیستې په مراسمو کې د کونړ ولایت له پېښو سره د مبارزې آمادګۍ ریاست مسؤلینو، د شیګل ولسوالۍ استازو، قومي مشرانو، سپین ږیرو او ځوانانو ګډون کړی و. ګډونوالو یاده پروژه د سېلابونو د خطرونو د کمولو، د اوبو د منظم مدیریت، او د استوګنیزو سیمو، کرنیزو ځمکو او عامه شتمنیو د خوندیتوب لپاره یو مهم او اغېزناک ګام وباله.
له پېښو سره د مبارزې آمادګۍ ریاست مسؤلینو وویل، چې په دې پروژه کې د لچي کلي مانده او سېلابي لاره له خټو، شګو او ډبرو څخه پاکه شوې او د همدغه مانده او سېلابي لارې په اوږدو کې د ۶۶۰ متره په اوږدوالي، ۴ متره پلنوالي او د ۲.۵ متره په ژوروالي د ډبرو دېوال جوړ شوی، چې د پروژې ټولیز لګښت دوه لکه او دېرش (۲۳۰۰۰۰) افغانۍ کېږي.
ورته مهال، د لچي کلي اوسېدونکو د دې پروژې عملي کېدل د سیمې د عامه زیربناوو، کرنیزو ځمکو او استوګنیزو کورونو د ساتنې لپاره ارزښتناک ګام وباله او له پېښو سره د مبارزې آمادګۍ ادارې د مشرتابه او د کونړ ولایت د پېښو سره د مبارزې آمادګۍ ریاست څخه یې د دوامداره هڅو او خدمتونو له امله مننه او قدرداني وکړه.
