د میدانوردګ ولایت له پېښو سره د مبارزې آمادګۍ ریاست ۴۸ زیانمنو کورنیو ته نغدي او غیرخوراکي مرستې ووېشلې
له پېښو سره د مبارزې آمادګۍ ادارې او د افغان سوله جوړونې مؤسسې ترمنځ د لاسلیک شوې هوکړهلیک له مخې، د میدانوردګ ولایت له پېښو سره د مبارزې آمادګۍ ریاست د یادې مؤسسې په مالي ملاتړ، د دې ولایت د دایمیرداد ولسوالۍ ۴۸ زیانمنو کورنیو ته نغدي او غیرخوراکي مرستې ووېشلې.
په دې بهیر کې، له سروې وروسته او د مسؤلینو په شتون کې، هرې کورنۍ ته ۱۰,۰۰۰ افغانۍ نغدې پیسې او یوه روغتیایي بسته ووېشل شوه، چې په ټولیز ډول څلور لکه او اتیا زره (۴۸۰,۰۰۰) افغانۍ نغدي پیسې د یاد شمېر کورنیو لپاره ځانګړې شوې وې.
د میدانوردګ ولایت له پېښو سره د مبارزې آمادګۍ رئیس، مولوي احمدشاه ذهین، له زیانمنو کورنیو سره د خواخوږۍ څرګندولو ترڅنګ ډاډ ورکړ چې دغه ریاست به په راتلونکې کې هم هڅه وکړي څو زیانمنو کسانو ته د لا زیاتو مرستو زمینه برابره کړي.
نېټه: ۱۴۴۷/۱۲/۲۵ هـ ق
له پېښو سره د مبارزې آمادګۍ اداره
