د سمنګان ولایت په مرکز ایبک کې یوه ناچاوده د توپ مرمۍ کشف او خنثی شوه
د سمنګان ولایت له پېښو سره د مبارزې آمادګۍ ریاست په همغږۍ، د DAFA ماین پاکۍ مؤسسې تخنیکي ټیم د یاد ولایت د مرکز ایبک د حسنخېل لوارګي په کلي کې د ماین پاکۍ د عملیاتو پر مهال یو فیر ناچاوده د توپ مرمۍ کشف او په خوندي ډول خنثی کړه.
د ماین پاکۍ تخنیکي ټیم د حسنخېل لوارګي په کلي کې یوه د ۱۲۲ میليمتري د ډي سي توپ ناچاوده مرمۍ (Artillery Projectile 122 mm) کشف کړه او له ټولو تخنیکي او خوندیتوب اصولو سره سم یې په بریالیتوب خنثی او له منځه یووړه.
د دې مرمۍ په خنثی کېدو سره د سیمې اوسېدونکي د احتمالي مرګژوبلې او مالي زیانونو له ګواښ څخه خوندي شول او د خلکو د ژوند او شتمنیو د ساتنې لپاره یو مهم ګام واخیستل شو.
نېټه:۱۴۴۷/۱۲/۲۳ هـ ق
له پېښو سره د مبارزې آمادګۍ اداره
