د زابل ولایت له پېښو سره د مبارزې آمادګۍ ریاست په خاک افغان ولسوالۍ کې د سېلابونو له امله بنده شوې لاره بیرته خلاصه کړه
د زابل ولایت له پېښو سره د مبارزې آمادګۍ ریاست د یاد ولایت په خاک افغان ولسوالۍ کې د وروستیو بارانونو او سېلابونو له امله دوه مسیره لاره، چې یو مسیر د ولسوالۍ او بل د ګزک تنګي په طرف وو، بنده شوې وه بیرته د تګ راتګ پر مخ خلاصه کړه.
یاده لاره له پېښو سره د مبارزې آمادګۍ ادارې په مالي لګښت، له لسو ورځو کار کولو وروسته، چې دواړو مسیرونو اوږدوالی یې تر ۱.۵ کیلومتر پورې رسیږي د ۱۴۳,۰۰۰ افغانیو په لګښت پاکه شوه.
د یادونې وړ ده، چې د دې لارې د خلاصولو چارې د یاد ولایت د مسؤلینو تر بشپړ څارنې لاندې پای ته ورسېدې.
نېټه:۱۴۴۷/۱۱/۰۶ هـ ق
له پېښو سره د مبارزې آمادګۍ اداره
