په جوزجان ولایت کې د ماین پاکۍ له بهیر او فعالیتونو څخه څارنه وشوه
د جوزجان ولایت له پېښو سره د مبارزې آمادګۍ ریاست په فیضآباد ولسوالۍ کې په ماینونو او ناچاوده توکو د ککړو سیمو د پاکولو له بهیر څخه څارنه وکړه.
دا څارنه د DAFA ماین پاکۍ مؤسسې او د QRT-03 پروژې سره د شوي هوکړه لیک په چوکاټ کې ترسره شوه، چې په ترڅ کې یې د ریاست پلاوي له کاري سیمو څخه لیدنه وکړه او د تخنیکي ټیمونو د فعالیتونو د کیفیت ارزونه یې وکړه.
د دې بهیر په ترڅ کې، په حیدرآباد کلي کې یو کړۍ ماین په خوندي ډول خنثی شو. له پېښو سره د مبارزې آمادګۍ ریاست دغه اقدامات د امنیت په ټینګښت او د ماینونو د خطرونو په کمولو کې اغېزمن بللي دي.
نېټه:۱۴۴۷/۱۱/۵ هـ ق
له پېښو سره د مبارزې آمادګۍ اداره
