د کونړ ولایت له پېښو سره د مبارزې آمادګۍ ریاست ۱,۱۳۵ زیانمنو کورنیو ته نغدې، خوراکي او غیرخوراکي مرستې ووېشلې
له پېښو سره د مبارزې آمادګۍ ادارې د لوی رئیس، محترم الحاج ملا نورالدین په لارښوونه، د کونړ ولایت له پېښو سره د مبارزې آمادګۍ ریاست، د یاد ولایت په سرکاڼو، منوره، ډانګام او ناړۍ ولسوالیو کې د وروستیو جګړو له امله د شهیدانو ورثه، ټپیانو او بېځایه شویو ۱,۱۳۵ کورنیو ته له سروې وروسته نغدې، خوراکي او غیرخوراکي مرستې ووېشلې.
په دې بهیر کې د مسؤلینو په شتون کې له یاد شمېر کورنیو څخه ۷۰۰ کورنیو هرې یوې ته ۵۰ کیلو غنم، ۱ کارټن خرما، ۱ عدد څراغ، ۱ تخته پلاستیکي ترپال، د البسې ۱ کېټ، ۱۹۸ بېځایه شویو کورنیو هرې یوې ته ۵۰ کیلو غنم، ۱ کارټن خرما، یوه بسته البسه، همدارنګه، د ۷ تنه شهیدانو کورنیو هرې یوې ته ۲۰,۰۰۰ افغانۍ، ۲۷ تنه ټپیانو هر یو ته ۱۰,۰۰۰ افغانۍ ووېشل شوې، چې د نغدو مرستو ټولیزه اندازه څلور لکه او لس زره (۴۱۰,۰۰۰) افغانۍ کېږي.
نېټه: ۱۴۴۷/۱۱/۰۵ هـ ق
له پېښو سره د مبارزې آمادګۍ اداره
