د ننګرهار ولایت له پېښو سره د مبارزې آمادګۍ ریاست ۴۲ کورنیو ته نغدې مرستې وویشلې
له پېښو سره د مبارزې آمادګۍ ملي ادارې او د ماشومانو د ساتنې موسسې ترمنځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست د یادې موسسې په مالي همکارۍ، د دې ولایت د مهمندرې ولسوالۍ په بېلې کلي کې د سیند تر ګواښ لاندې سیمه کې اوسېدونکو کورنیو ته نغدې مرستې ووېشلې.
په دې لړۍ کې هرې مستحقې کورنۍ ته د مسؤلینو په شتون کې، ۱۰,۸۵۰ افغانۍ ووېشل شوې، چې د نغدو مرستو ټولیزه اندازه څلور سوه او پنځه پنځوس زره او اووه سوه (۴۵۵,۷۰۰) افغانۍ کیږي.
نیټه: ۱۴۴۷/۱۰/۲۴ هـ ق
له پېښو سره د مبارزې آمادګۍ ملي اداره
