د غور ولایت له پېښو سره د مبارزې آمادګۍ ریاست ۵۹۸ مستحقو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د ورلډ وېژن مؤسسې ترمنځ د لاسلیک شوي هوکړه لیک له مخې، د غور ولایت له پېښو سره د مبارزې آمادګۍ ریاست د یادې مؤسسې په مالي ملاتړ، ۵۹۸ د بې سرپرسته ښځینه وو کورنیو ته د کار کولو په بدل کې نغدي مرستې ووېشلې.
په دې لړۍ کې د مسؤلینو په شتون کې، ۱۷۹ بې سرپرسته ښځو او ۴۱۹ تنو ته د کار په بدل کې هرې یوې کورنۍ ته ۵۱۹۶ افغانۍ نغدي پیسې ووېشل شوې، چې ټولټال د یاد شمېر کورنیو لپاره درې میلیونه او یو لک او اوه زره او دوه سوه او اته (۳،۱۰۷،۲۰۸) افغانۍ نغدي پیسې ځانګړې شوې وې.
نېټه: ۱۴۴۷/۱۰/۲۱ هـ ق
له پېښو سره د مبارزې آمادګۍ ملي اداره
