د ارزګان ولایت له پېښو سره د مبارزي آمادګۍ ریاست د یاد ولایت په مرکز کې د یوې سېلابي لارې د پاکولو او کیندلو چارې بشپړې کړې
له پېښو سره د مبارزې آمادګۍ ملي ادارې د لوی رئیس محترم الحاج ملا نورالدین ترابي د لارښوونې له مخې، د ارزګان ولایت له پېښو سره د مبارزې آمادګۍ ریاست د دې ولایت د مرکز په موساګالي کلي کې د یو خوړ د پاکولو او کیندلو چارې په بریالیتوب سره پای ته ورسولې.
یاده پروژه، د ۵۰۰ متره اوږدوالي او له ۱۰ څخه تر ۶ متره سور په درلودلو سره له پېښو سره د مبارزې آمادګۍ ملي ادارې د څلور اویا زره او اویا (۷۴،۰۷۰) افغانۍ بودجې په واسطه پای ته ورسېده.
د یادونې وړ ده، چې د دې پروژې په بشپړېدو سره شاوخوا ۲۰۰ استوګنیز کورونه او ۱۰۰۰ جریبه کرنیزه ځمکه د احتمالي سېلابونو له خطرونو څخه وژغورل شوه.
نېټه: ۱۴۴۷/۰۹/۰۱ هـ ق
له پېښو سره د مبارزې آمادګۍ ملي اداره
