د بامیان ولایت له پېښو سره د مبارزې آمادګۍ ریاست ۸۰۰ مستحقو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د CWSA مؤسسې ترمنځ د لاسلیک شوي هوکړه لیک له مخې، د بامیان ولایت له پېښو سره د مبارزې آمادګۍ ریاست د یادې مؤسسې په ملاتړ، د دې ولایت په یکاولنګ نمبر یک ولسوالۍ کې ۸۰۰ مستحقو کورنیو ته له سروې وروسته د دوه یم پړاو نغدي مرستې ووېشلې.
په دې لړۍ کې د مسؤلینو په شتون کې هرې کورنۍ ته ۲،۶۶۲ افغانۍ ووېشل شوې، چې ټولټال د یاد شمېر کورنیو لپاره دوه میلیونه او یوسل او نه ویشت زره او شپږ سوه (۲،۱۲۹،۶۰۰) افغانۍ نغدي پیسې ځانګړې شوې وې.
د یادونې وړ ده، چې یاد شمېر کورنیو ته به په راتلونکو درې میاشتو کې هم نغدي مرستې ترسره شي.
نېټه: ۱۴۴۷/۸/۶ هـ ق
له پېښو سره د مبارزې آمادګۍ ملي اداره
