د هېواد له خیرخواه کسانو څخه یو کس د پېښو له امله زیانمنو شویو خلکو سره د مرستې په موخه ۱,۶۹۶ جوړه بوټونه دې ادارې ته وسپارل
نن سهار د شنبې په ورځ، له پېښو سره د مبارزې آمادګۍ ملي ادارې د مالي او اداري عمومي رئیس، محترم الحاج مولوي محمد عالم علمیار، د هېواد د یو خیرخواه کس سید احمد سیلاب له لوري له زیانمنو او مستحقو کورنیو سره د مرستې په موخه مرسته شوي دوه زره جوړې د لوړ کیفیت بوټان ترلاسه کړل.
د تسلیمي په مراسمو کې، محترم علمیار صاحب د دې انساندوستانه ګام څخه مننه وکړه او د خییرو مرستې یې د زیانمنو خلکو د ستونزو د کمولو په لور مهم ګام وباله، او ډاډ یې ورکړ چې دغه مرستندویه توکي به په شفاف او عادلانه ډول مستحقینو ته ووېشل شي.
همدارنګه، ښاغلي سیلاب وویل چې د زیانمنو کورنیو د ستونزمن وضعیت په درک کولو او د انساني او اسلامي مسؤلیت له مخې یې دا مرسته له پېښو سره د مبارزې آمادګۍ ملي ادارې ته وسپارله، تر څو اړمنو کسانو ته ورسېږي. نوموړي زیاته کړه چې له زیانمنو هېوادوالو سره مرسته کول یو اخلاقي او ټولنیز مسؤولیت دی، او هیله یې څرګنده کړه چې نور خیرخواه کسان هم په دې ډول بشري پروګرامونو کې برخه واخلي.
نېټه:۱۴۴۷/۷/۲۷ هـ ق
له پېښو سره د مبارزې آمادګۍ ملي اداره
