د هرات ولایت په شینډنډ ولسوالۍ کې د هاوان یوه مرمۍ کشف او خنثی شوه
له پېښو سره د مبارزې آمادګۍ ملي ادارې د ماین پاکۍ د همغږۍ او انسجام ریاست، د بېړنۍ اړېکې شمېرې (0708606060) پر بنسټ، د هلوټرسټ موسسې د بيړني ځواب وینې څلورم ټېم د هرات ولایت د شينډنډ ولسوالۍ خیرمان کلي ته د ماین پاکۍ د عملیاتو لپاره ولېږدوه، چې د یاد ولایت له پېښو سره د مبارزې آمادګۍ ریاست سره په همغږۍ د ماین پاکۍ ټېم په یاده سیمه کې د عملیاتو په ترڅ کې، د هاوان یوه 82 mm مرمۍ چې د سېمې د اوسېدونکو ژوند یې له ګواښ سره مخ کړی وو کشف، په خوندي ډول انتقال او له منځه یووړه.
همدارنګه، د ماین پاکۍ له جګړو څخه پاتې ماینونو او چاودېدونکو توکو د احتمالي پېښو د مخنیوي په موخه، د سېمې اوسېدونکو ته د ماینونو او ناچاوده توکو د خطرونو په اړه د عامه پوهاوي پروګرام هم ترسره کړ.
نېټه:۱۴۴۷/۷/۲۰ هـ ق
له پېښو سره د مبارزې آمادګۍ ملي اداره
