د هلمند او اروزګان ولایتونو ته له ګاونډیو هېوادونو څخه په اجبارې توګه د را ایستل شویو راستنېدونکو سره د مرستې کولو په موخه خوراکي او غیر خوراکي توکي ولیږدول شول
له پېښو سره د مبارزې آمادګۍ ملي ادارې د لوی رئیس محترم الحاج ملا نور الدین ترابي د لارښوونې او د کډوالو ستونزو ته د رسېدنې د عالي کمیسیون، چې په څو ولایتونو کې کډوالو ته د مرستو وېشل د دې ادارې په غاړه دي د پرېکړې له مخې، د کندهار ولایت له پېښو سره د مبارزې آمادګۍ ریاست له ګودام څخه له ګاونډیو هېوادونو څخه په اجبارې توګه د را ایستل شویو راستنېدونکو سره د مرستو د کولو په موخه خوراکي او غیر خوراکي توکي د هلمند او ارزګان ولایتونو له پېښو سره د مبارزې آمادګۍ ریاستونو ته ولیږدول شول.
په دې لړۍ کې، ۲۰۰ بورۍ ۵۰ کیلویي اوړه، ۱۰۰۰ کیلو بوره او ۱۰۰ کیلو تورچای د هلمند ولایت ته او ۵۰۰ بورۍ ۵۰ کیلویي اوړه، ۳۰۰ بورۍ ۵۰ کیلویي غنم، ۳۰۰ کیلو تورچای او ۱۰۰۰ جوړې څپلۍ د اروزګان ولایت ته انتقال شوې.
د یادونې وړ ده، چې دا مواد به وروسته له دقیقې سروې یادو ولایتونو ته له ګاونډیو هېوادونو څخه په اجبارې توګه را ایستل شویو راستنېدونکو ته ووېشل شي.
نېټه: ۱۴۴۷/۷/۱۸ هـ ق
له پېښو سره د مبارزې آمادګۍ ملي اداره
