د پکتیا ولایت له پېښو سره د مبارزې آمادګۍ ریاست ۳۵ زیانمنو شویو کورنیو ته نغدي، خوراکي او غیر نغدي مرستې ووېشلې
د پکتیا ولایت له پېښو سره د مبارزې آمادګۍ ریاست د یاد ولایت اړوند د سېلابونو، جنګونو او د چاودېدونکو توکو له امله ۳۵ زیانمنو شویو کورنیو ته له سروې وروسته نغدي، خوراکي او غیر خوراکي مرستې ووېشلې.
په دې لړۍ کې د مسؤلینو په شتون کې، هرې کورنۍ ته ۵۰ کیلو غنم، ۲۵ کیلو وریجې، ۵۰ کیلو اوړه، ۵ کیلو بوره، نیم کیلو تورچای او دوه تختې کمپلي ووېشل شوې.
همدارنګه، د ۴ شهیدانو هر یو کورنۍ ته ۲۰،۰۰۰ افغانۍ او د یو ټپي کورنۍ ته ۱۰،۰۰۰ افغانۍ ووېشل شوې، چې ټولټال د یاد شمېر کورنیو لپاره نوي زره (۹۰،۰۰۰) افغانۍ ځانګړې شوې وې.
د مرستو ترلاسه کوونکو کورنیو د مرستو د پر وخت ترلاسه کولو له امله خوښي څرګنده کړه.
نېټه: ۱۴۴۷/۷/۱۷ هـ ق
له پېښو سره د مبارزې آمادګۍ ملي اداره
