د بلخ ولایت له پېښو سره د مبارزې آمادګۍ ریاست ۵۶۱ زیانمنو کورنیو ته نغدې مرستې ووېشلې
له پېښو سره د مبارزې آمادګۍ ملي ادارې او د OHW موسسې ترمنځ د لاسلیک شوي هوکړه لیک له مخې، د بلخ ولایت له پېښو سره د مبارزې آمادګۍ ریاست د یادې موسسې په مالي ملاتړ، د دې ولایت په شولګره ولسوالۍ کې ۵۶۱ زیانمنو او مستحقو کورنیو ته له سروې وروسته نغدې مرستې ووېشلې.
په دې لړۍ کې د مسؤلینو په شتون کې، له یاد شمېر کورنیو څخه ۲۹۸ کورنیو هرې یوې ته ۱۱,۲۹۴ افغانۍ، ۲۶۳ کورنیو هرې یوې ته ۱۳,۲۸۷ افغانۍ او همدارنګه له یادې جملې څخه ۳۴۸ کورنیو هرې یوې ته یو روغتیایي کېټ ووېشل شو. چې د نغدو مرستو اندازه ټولټال شپږ میلیونه او اته سوه شپېته زره او درې نوي (۶,۸۶۰,۰۹۳) افغانۍ کېږي.
نېټه:۱۴۴۷/۷/۱۱ هـ ق
له پېښو سره د مبارزې آمادګۍ ملي اداره
