د ننګرهار ولایت له پېښو سره د مبارزې آمادګۍ ریاست ۱۹۶ زلزله ځپلو کورنیو ته غیر خوراکي مرستې وویشلې
له پېښو سره د مبارزې آمادګۍ ملي ادارې او د Pangea موسسې ترمنځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست د یادې مؤسسې په همکارۍ، د دې ولایت د دره نور ولسوالۍ په لمټک کلي کې د وروستۍ زلزلې له امله ۱۹۶ زیانمنو کورنیو ته غیر خوراکي مرستې وویشلې.
د مرستو په دې لړۍ کې له سروې وروسته د مسؤلینو په شتون کې هرې کورنۍ ته ۴ تختې یو کسیزه کمپلې، یو تخته دوه کسیزه کمپله،۴ عدد د ماشومانو جاکټونه، یو عدد نارینه جاکټ، یو عدد زنانه جاکټ، دوه عدد زنانه شالونه، ۲ عدد نارینه پټو، ۱۲ جوړې جرابې، ۴ جوړې دستکشونه، ۴ عدد د ماشومانو خولۍ، یو عدد ۱۰ کیلویي د ګاز ډبه، سره له ۱۰ کیلو ګاز او یوه ګازي بخارۍ ووېشل شوه.
مرسته اخیستونکو کورنیو د مرستو په ترلاسه کولو سره خوښي څرګنده کړه او له پېښو سره د مبارزې آمادګۍ ریاست او یادې موسسې څخه یې مننه وکړه چې د دوی ستونزو ته یې پر وخت رسېدنه وکړه.
نېټه:۱۴۴۷/۷/۹ هـ ق
له پېښو سره د مبارزې آمادګۍ ملي ادارې
