د کونړ ولایت په غازي آباد او ناړۍ ولسوالیو کې د سیلابي لارو د پاکولو لړۍ پیل شوه
له پيښو سره د مبارزې آمادګۍ ملي ادارې د لوی رئیس محترم الحاج ملانورالدین ترابي د لارښوونې له مخې، د کونړ ولايت له پيښو سره د مبارزې امادګۍ رياست له خوا د غازي آباد ولسوالۍ په نيلي ګل کلي او د ناړۍ ولسوالۍ د بريکوټ په بر کلي کي د سیلابي لارو د پاکولو چارې پیل شوې.
د یاد ولایت له پېښو سره د مبارزې آمادګۍ ریاست محترم رئیس او د دې ریاست د زیانونو د ارزونې مدیر یادو شویو سیمو ته په ورتګ سره زیانمنې تثبیت کړې.
د يادونې وړ ده، چې د دې سیلابي لارو په پاکولو سره به د دې سیمو د اوسېدونکو ځانونه او مالونه د سيلابونو د احتمالي خطرونو څخه خوندي شي.
نېټه: ۱۴۴۷/۷/۸ ه.ق
له پېښو سره د مبارزې آمادګۍ ملي اداره
