د خوست ولایت په بېلابېلو سیمو کی یو شمېر ناچاوده توکي کشف او له مینځه یوړل
د خوست ولایت له پېښو سره د مبارزې آمادګۍ ریاست AREA ماین پاکۍ مؤسسې د QRT تخنیکي ټیم په ملاتړ، د یاد ولایت په بېلابېلو سیمو کې یو شمیر ناچاوده توکي کشف او په خوندي توګه خنثی کړل.
د دې عملیاتو په ترڅ کې، ۳ عدده د توپ مرمۍ، ۲ عدده د هاوان مرمۍ، ۲ عدده د بېپسلاګد مرمۍ، ۴ عدده تر ځمکې لاندې ماینونه، ۵ عدده لاسي ګرنېډونه، ۱ عدد د ټانګ مرمۍ، ۵ عدده د چاودېدونکو توکو فیزونه او ۴ عدده بوسټرې کشف او په خوندي توګه له منځه یوړل شوې.
د یاد ولایت له پېښو سره د مبارزې آمادګۍ ریاست له سیمه ییزو اوسېدونکو څخه وغوښتل، چې د هر ډول مشکوک او چاودېدونکي توکي د لیدلو په صورت کې دې له اړوندو مسؤلینو سره اړیکه ونیسي ترڅو یې د خنثی کولو لپاره اړین اقدامات ترسره شي.
نېټه: ۱۴۴۷/۷/۸ ه.ق
له پېښو سره د مبارزې آمادګۍ ملي اداره
