د ارزګان ولایت د چوري ولسوالۍ د سیفون چینې کانال د بنسټ ډبره کېښودل شوه
له پېښو سره د مبارزې آمادګۍ ملي ادارې د لوی رئیس، محترم الحاج ملا نورالدین ترابي د لارښوونې له مخې، د ارزګان ولایت له پېښو سره د مبارزې آمادګۍ ریاست د یاد ولایت د چوري ولسوالۍ اړوند د سیمې کرنیزې ځمکو ته د اوبو رسونې لپاره د سیفون چینې د کانال جوړولو د بنسټ ډبره کېښوه.
په دې مناسبت جوړ شویو مراسمو کې له پېښو سره د مبارزې آمادګۍ رئیس، قاري حضرت الله امدادالله او یو شمېر نورو سیمه ییزو مسؤلینو، مشرانو او خلکو ګډون وکړ او د کانال جوړولو دا پروژه د یو میلیون (۱,۰۰۰,۰۰۰) افغانیو په لګښت له پېښو سره د مبارزې آمادګۍ ملي ادارې له لوري تمویل کېږي.
سیمه ییزو خلکو د پروژې د پیل هرکلی وکړ، خوښي یې وښوده، له مسؤلینو یې مننه وکړه او ویې ویل چې د کانال جوړلو پروژه به د سیمې کرنیزو ځمکو ته د اوبو رسونې اساسي ستونزه حل کړي.
نېټه:۱۴۴۷/۷/۰۲ هـ ق
له پېښو سره د مبارزې آمادګۍ ملي اداره
