د ننګرهار ولایت له پېښو سره د مبارزې آمادګۍ ریاست ۲۶۷ زلزله ځپلو کورنیو ته نغدې مرستې ووېشلې
له پېښو سره د مبارزې آمادګۍ ملي ادارې او د اکټیډ (ACTED) موسسې تر منځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست د یادې موسسې په ملاتر، د دې ولایت په دره نور ولسوالۍ کې د تېرې زلزلې له امله ۲۶۷ زیانمنو کورنیو ته نغدې مرستې ووېشلې.
په دې لړۍ کې د مسؤلینو په شتون کې، له یاد شمېر کورنیو څخه ۲۰۶ کورنیو هرې یوې ته ۱۱,۹۴۰ افغانۍ او ۶۱ کورنیو هرې یوې ته ۹,۹۵۰ افغانۍ ووېشل شوې، چې ټولټال درې میلیونه او شپږ شپېته زره او پنځه سوه نوي (۳,۰۶۶,۵۹۰) افغانۍ نغدې پیسې د یاد شمېر کورنیو لپاره ځانګړې شوې وې.
له مرستو برخه منو کورنیو له پېښو سره د مبارزې آمادګۍ ریاست او له ACTED موسسې د دې ډول مرستو د دوام غوښتنه وکړه.
نېټه: ۱۴۴۷/۰۷/۰۲ هـ ق
له پېښو سره د مبارزې آمادګۍ ملي اداره
