د میدان وردګ ولایت په جلریز ولسوالۍ کې چاودېدونکي توکي کشف او خنثی شول
د میدان وردګ ولایت له پېښو سره د مبارزې آمادګۍ ریاست د AREA ماین پاکۍ مؤسسې د QRT-04 ټیم په ملاتړ، وتوانید چې د یاد ولایت د جلریز ولسوالۍ په زیولات سیمه کې د یوې ترافیکي لوحې په پایه کې ځای پرځای شوي چاودېدونکي توکي کشف او په خوندي توګه خنثی کړي.
د میدان وردګ ولایت له پېښو سره د مبارزې آمادګۍ ریاست د ملاتړ کوونکو بنسټونو د همکاري کولو د قدرداني ترڅنګ، له سیمه ییزو اوسېدونکو څخه غوښتي چې د هرډول مشکوک او چاودېدونکي توکي د لیدلو په صورت کې دې ژر تر ژره له اړوندو مسؤلینو سره اړیکه ونیسي ترڅو یې د خنثی کولو او د احتمالي زیانونو د مخنیوي لپاره اړین اقدامات ونیول شي.
نېټه: ۱۴۴۷/۰۷/۰۱ هـ ق
له پېښو سره د مبارزې آمادګۍ ملي اداره
