د کندهار ولایت په ارغنداب ولسوالۍ کې ناچاوده توکي کشف او خنثی شول
د کندهار ولایت له پېښو سره د مبارزې آمادګۍ ریاست د ایریا ماین پاکۍ مؤسسې د چټک غبرګون لسم تخنیکي ټیم په ملاتړ، د یاد ولایت د ارغنداب ولسوالۍ په ناګهان کلي کې ۴ عدده د توپ مرمۍ کشف او په خوندي توګه له منځه یوړلې.
د یادو عملیاتو په پایله کې، د دې ولایت له پېښو سره د مبارزې آمادګۍ ریاست مسؤلینو له سیمه ییزو اوسېدونکو وغوښتل چې د هر ډول مشکوک او چاودېدېدونکي توکي د لیدلو په صورت کې دې له اړوندو مسؤلینو سره اړیکه ونیسي، چې ترڅو یې د احتمالي خطرونو د مخنیوي لپاره اړین اقدامات ونیول شي.
د یادونې وړ ده، چې د خلکو د ځان او مال د خوندیتوب لپاره د ولایت په کچه د ماینونو او ناچاوده توکو د موندلو او له منځه وړلو بهیر دوام لري.
نېټه: ۱۴۴۷/۶/۲۳ ه.ق
له پېښو سره د مبارزې آمادګۍ ملي اداره
