د کونړ ولایت له پېښو سره د مبارزې آمادګۍ ریاست ۱۹۹ کورنیو ته خوراکي او غیرخوراکي مرستې ووېشلې
له پېښو سره د مبارزې آمادګۍ ملي ادارې او د افغان ځوانانو خدماتي موسسي (AYSO) موسسې ترمنځ د لاسلیک شوي هوکړه لیک له مخې، د کونړ ولایت له پېښو سره د مبارزې آمادګۍ ریاست د یادې موسسې په همکارۍ، د یاد ولایت د بېلا بېلو ولسوالیو او مرکز اسعدآباد ښار اړوند ۱۹۹ کورنیو ته له سروې وروسته خوراکي او غیرخوراکي مرستې ووېشلې.
په دې لړۍ کې ۱۵۳ کورنیو هرې یوې ته ۱۰۰ کیلو اوړه، ۶ لیټره غوړي، ۸ کیلو دال، ۱ کیلو مالګه او ۴۶ کورنیو هرې یوې ته ۵۰ کیلو غنم، ۵۰ کیلو وریجې، د ژمنیو توکو ۱ کېټ، د پخلنځي ۱ کېټ او ۲ تختې کمپلې ووېشل شوې.
نېټه: ۱۴۴۷/۶/۱۳ هـ ق
له پېښو سره د مبارزې آمادګۍ ملي اداره
