د فراه ولایت د ښار د شپږ کیلومتره کانالونو د پاکولو چارې په چټکۍ سره دوام لري
له پېښو سره د مبارزې آمادګۍ ملي ادارې، محترم الحاج ملا نورالدین ترابي د لارښوونې له مخې، چې ټولو ولایتونو ته یې دنده سپارلې وه، چې ټولې سېلابي لارې په هر ځای کې پاکې کړي. د فراه ولایت له پېښو سره د مبارزې آمادګۍ ریاست د ښار د شپږ کیلومتره کانالونو د پاکولو چارې پیل کړي او دا کار په جدي ډول روان دی.
یاده پروژه د ولایتي کمیټې د وسایطو په کارولو او د دې ادارې له بودجې څخه د پنځه سوه زرو (۵۰۰,۰۰۰) افغانیو په لګښت مخکې پیل شوې وه، چې نږدې ۱۵ ورځې وړاندې د تخنیکي ستونزو له امله ودرول شوه، خو اوس د ستونزې له حل وروسته، کار یې یو ځل بیا په جدي توګه دوام لري.
نېټه: ۱۴۴۷/۵/۲۸ هـ ق
له پېښو سره د مبارزې آمادګۍ ملي اداره
