د بادغیس ولایت په قادس ولسوالۍ کې د څلورو وقایوي پروژو د جوړولو کار پيل شو
د بادغیس ولایت له پېښو سره د مبارزې آمادګۍ ریاست د کډوالۍ نړیوال سازمان (IOM) په همکارۍ د دې ولایت په قادس ولسوالۍ کې د څلورو وقایوي پروژو د جوړولو کار پيل کړ.
د دې پروژو د پرانیستنې په مراسمو کې د بادغیس ولایت له پېښو سره د مبارزې آمادګۍ رئیس، محترم الحاج مولوي باریداد صابر، د قادس ولسوالۍ له ولسوال صاحب او یو شمېر سیمهییزو سپین ږیرو سره یو ځای ګډون وکړ او د یادو پروژو کار یې رسمآ پرانیست.
په دې وقایوي پروژو کې د عمربیکها او زادصالح په سیمو کې د استنادي دیوالونو جوړول او د عمربیکها په سیمه کې د یو پلچک جوړول شامل دي. په عمربیکها سیمه کې دوه استنادي دیوالونه، لومړی دیوال د ۳۱۷ مترو په اوږدوالی او ۳.۵ مترو په لوړوالي او دویم دیوال د ۳۵۰ مترو په اوږدوالي او ۳.۸ مترو په لوړوالي او همدارنګه په زادصالح سیمه کې یو استنادي دیوال د ۳۳۰ مترو په اوږدوالي او ۲ مترو په لوړوالي جوړېږي. سربېره پر دې، په عمربیکها سیمه کې یو پلچک د ۱۱ مترو په اوږدوالي، ۵.۵ مترو په پلنوالي او ۳ مترو په لوړوالي جوړېږي.
د دغو پروژو د پلي کولو موخه د سېلابونو له امله د زیانونو کمول، د هستوګنځایونو او کرنیزو ځمکو ساتنه، او د ځایي خلکو د ژوند او مال خوندیتوب دی.
د بادغیس ولایت له پېښو سره د مبارزې آمادګۍ رئیس، محترم الحاج مولوي باریداد صابر د کډوالۍ نړیوال سازمان (IOM) له همکارۍ څخه مننه وکړه او ویې ویل چې د دې ډول وقایوي پروژو پلي کول د طبیعي پېښو د زیانونو په مخنیوي او د سیمهییزو زیربناوو په پیاوړتیا کې مهم رول لري.
نېټه:۱۴۴۷/۵/۲۰ هـ ق
له پېښوسره د مبارزې آمادګۍ ملي اداره
