په سمنګان ولایت کې ۲۰۰۰ زلزله ځپلو ته خوراکی مرستې برابرې او ۵۵۵ کورنیو ته خوراکي او غیر خوراکي مرستې ووېشل شوې
د سمنګان ولایت له پېښو سره د مبارزې آمادګۍ ریاست د مرسته کوونکو بنسټونو په ملاتړ، د دې ولایت په نخچیر او خلم ولسوالیو کې ۲۰۰۰ تنو ته خوراکي مرستې او د څښلو وړ صحي اوبه برابرې او ۵۵۵ کورنیو ته خوراي او غیر خوراکي مرستې ووېشلې.
په دې لړۍ کې، ۱۰۰۰ تنو ته په نخچیر او ۱۰۰۰ تنو ته په خلم ولسوالیو کې د افغان بیسیم مخابراتي شرکت له لوري خوراکي مرستې او د څښلو وړ اوبه برابرې، ۱۵ کورنیو ته د افغان اېډ مؤسسې له لوري هرې کورنۍ ته یو باب خېمه او درې تختې کمپلې، ۱۰ کورنیو هرې یوې ته د ایران اسلامي جمهوریت لخوا یو باب خېمه، ۳۰ کورنیو ته د اصیل خیریه بنسټ له لوري هرې کورنۍ ته یوه تخته فرش او دوې تختې کمپلې او د خوړو نړیوال پروګرام (WFP) له لوري ۵۰۰ کورنیو هرې یوې ته دوه کیلو بیسکټ ووېشل شول.
نېټه: ۱۴۴۷/۵/۱۴ هـ ق
له پېښو سره د مبارزې آمادګۍ ملي اداره
