د کابل ولایت له پېښو سره د مبارزې آمادګۍ ریاست ۱۴ کورنیو ته د کور جوړولو او بیارغونې لپاره نغدې مرستې ووېشلې
له پېښو سره د مبارزې آمادګۍ ملي ادارې او د افغانستان لپاره د بشري خدمتونو او پرمختګ موسسې تر منځ د لاسلیک شوي هوکړه لیک له مخې، د کابل ولایت له پېښو سره د مبارزې آمادګۍ ریاست د یادې موسسې په ملاتړ، د دې ولایت په خاکجبار ولسوالۍ کې ۱۴ کورنیو ته د کور جوړولو او بیارغونې لپاره نغدې مرستې ووېشلې.
په دې لړۍ کې د مسؤلینو په شتون کې، له یاد شمېر کورنیو څخه ۸ کورنیو هرې یوې ته د کور جوړولو لپاره د لومړي قسط ۶۶,۴۵۰ افغانۍ او ۶ نورو کورنیو هرې یوې ته د کور بیارغونې لپاره د لومړي قسط ۱۸,۲۵۰ افغانۍ ووېشل شوې، چې ټولټال ۶۴۱,۱۰۰ افغانۍ نغدې پیسې د یاد شمېر کورنیو لپاره ځانګړې شوې وې.
د یادونې وړ ده، چې یاد شمېر کورنیو ته به دا نغدې مرستې په دوو قسطونو کې ووېشل شي. همدا راز، د مرستو ترلاسه کوونکو د مرستندویه مؤسسې او له پیښو سره د مبارزې آمادګۍ ملي ادارې څخه خوښي څرګنده کړه او د امارت اسلامی نظام د بقا لپاره یې دعا وکړه.
نېټه:۱۴۴۷/۵/۱۱
له پېښو سره د مبارزې آمادګۍ ملي اداره
