په بغلان ولایت کې دوه مرمۍ کشف او په خوندي توګه له منځه یوړل شوې
د بغلان ولایت له پېښو سره د مبارزې آمادګۍ ریاست د OMAR ماین پاکۍ مؤسسې د QRT-03 بېړني ځواب وېینې فني ټېم سره د همغږۍ له مخې، د دې ولایت د ډندې غوري ولسوالۍ په وزیر آباد سیمه کې دوه مرمۍ کشف او په خوندي توګه له منځه یوړې.
د یادو عملیاتو په ترڅ کې، ۱ کړۍ د هاوان مرمۍ او ۱ کړۍ د توپ مرمۍ چې د سیمې د اوسېدونکو ځان او مال یې له احتمالي خطرونو سره مخ کړی وو، په خوندي توکه خنثی کړل شوې.
د یادونې وړ ده، چې د یاد ولایت له پېښو سره د مبارزې آمادګۍ مسؤلینو له خلکو غوښتي چې د هر ډول مشکوکو او چاودېدونکو توکو د لیدلو په صورت کې دې ژر تر ژره له اړونده مسؤلینو سره د اړینو اقداماتو د ترسره کولو لپاره اړیکه ونیسي.
نېټه: ۱۴۴۷/۰۵/۱۰ هـ ق
له پېښو سره د مبارزې آمادګۍ ملي اداره
