د میدان وردګ ولایت په جلریز ولسوالۍ کې دوه بوشکه یي ماینونه کشف او خنثی کړل شول
د میدان وردګ ولایت له پېښو سره د مبارزې آمادګۍ ریاست د AREA ماین پاکۍ مؤسسې د بېړنۍ ځواب وینې ټیم QRT09 سره په همغږۍ، د یاد ولایت په جلریز ولسوالۍ کې د AIMF0064 نمبر سیمې د محمد نورخیل په کلی کې، دوه عدده بوشکه یي ماینونه چې برقي چارج درلودنکي وې د یو متر په ژوروالي سره کشف او په خوندي توګه له منځه یووړل.
دا ناچاوده توکي په داسې حال کې کشف شول، چې څه موده وړاندې د میدان وردګ ولایت له پېښو سره د مبارزې آمادګۍ ریاست د AREA او DRC مؤسسو سره په ګډه د مرکز میدان ښار څخه د جلریز ولسوالۍ تر مرکز پورې له ناچاوده توکو څخه د دوهم لین سړک د پاکولو په موخه کار پیل کړی دی.
نېټه: ۱۴۴۷/۰۵/۰۷ هـ ق
له پېښو سره د مبارزې آمادګۍ ملي اداره
