د فاریاب ولایت له پېښو سره د مبارزې آمادګۍ ریاست ۱۴,۹۳۰ کورنیو ته نغدي او خوراکي مرستې ووېشلې
د فاریاب ولایت له پېښو سره د مبارزې آمادګۍ ریاست د هنګري د نړیوالو مرستو د موسسې (HIA) په مالي هکارۍ، چې د پروژې تمویل کوونکی یې د خوړو نړیوال پروګرام (WFP) دی، د یاد ولایت په بېلا بېلو ولسوالیو کې ۱۴,۹۳۰ مستحقو کورنیو ته نغدي او خوراکي مرستې ووېشلې.
په دې لړۍ کې په اندخوی، پشتونکوټ، خواجه موسی، قیصار، چهل ګزي او خیبر ولسوالیو کې هرې کورنۍ ته ۲,۹۰۰ افغانۍ نغدي پیسې ووېشل شوې.
همدارنګه، په ګرزیوان، بندر و لولاش ولسوالیو کې له پېښو سره د مبارزې آمادګۍ ریاست، د اقتصاد ریاست او اړوندو ولسوالی د استازو په شتون کې مستحقو کورنیو ته ۵۰ کیلو اوړه، ۵ کیلو غوړي، ۶.۲۵ کیلو دال نخود او نیم کیلو مالګه ووېشل شوه.
نېټه: ۱۴۴۷/۴/۲۹ هـ ق
له پېښو سره د مبارزې آمادګۍ ملي اداره
