د هرات ولایت له پېښو سره د مبارزې آمادګۍ ریاست د یو لوی پل د جوړولو کار پیل کړ
د هرات ولایت له پېښو سره د مبارزې آمادګۍ ریاست، د یاد ولایت د کرخ ولسوالۍ په بادام تو کلي کې د عامو خلکو د تګ راتګ او د ستونزو د هواریدو په موخه د یو لوی پل جوړولو د پروژې د بنسټ ډبره د یو شمېر سیمه ییزو مسؤلینو په شتون کې کېښوده.
دا پروژه د عالیقدر امیرالمؤمنین حفظ الله د حکم پر بنسټ، له پېښو سره د مبارزې آمادګۍ ملي ادارې له لوري تمویل او پلې کېږي.
د یادونې وړ ده، چې له پېښو سره د مبارزې آمادګۍ ملي ادارې د تخنیکي ټیم له لوري یاد پل د سېلابونو له خطر سره مخ پېژندل شوی و، او اوس مهال د یو میلیون (۱,۰۰۰,۰۰۰) افغانیو په ارزښټ په همدې سیمه کې د دی لوی پل د جوړولو کار عملآ پیل شو.
ورته مهال د سیمې خلکو له دې پروژې څخه خوښي څرګنده کړه او د نظام د بقا او ثبات لپاره یې دعا وکړه.
نېټه: ۱۴۴۷/۰۲/۲۰ هـ ق
له پیښو سره د مبارزې آمادګۍ ملي اداره
