د خوست ولایت له پېښو سره د مبارزې آمادګۍ ریاست ۶۰۸ اړمنو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د ژغورنې نړیوالې کمېټې (IRC) ترمنځ د لاسلیک شوي هوکړه لیک له مخې، د خوست ولایت له پېښو سره د مبارزې آمادګۍ ریاست د یادې کمېټې په مالي ملاتړ، د دی ولایت د ځاځي میدان ولسوالۍ اړوند ۶۰۸ اړمنو کورنیو ته د خوراکي توکو برابرولو لپاره له سروې وروسته نغدي مرستې ووېشلې.
په دې لړۍ کې هرې کورنۍ ته د مسؤلینو په شتون کې، د دویم پړاو ۵,۶۰۰ افغانۍ ووېشل شوې، چې ټولټال درې میلیونه څلور سوه څلور زره او اته سوه (۳,۴۰۴,۸۰۰) افغانۍ نغدي پیسې د یاد شمېر کورنیو لپاره ځانګړې شوې وې.
نېټه:۱۴۴۷/۰۲/۰۶ هـ ق
له پېښو سره د مبارزې آمادګۍ ملي اداره
