د بلخ ولایت په دولت آباد ولسوالۍ کې څلور فیره د هاوان مرمۍ کشف او خنثی شوې
له پېښو سره د مبارزې آمادګۍ ملي ادارې د ماین پاکۍ د همغږۍ او انسجام ریاست، د اومر موسسې د بېړنۍ ځواب وینې ټیم د 0708606060 شمېرې له لارې د ترلاسه شوي اړیکې پر بنسټ د څېړنې او پاکولو د عملیاتو لپاره د بلخ ولایت د دولت آباد ولسوالۍ د سرخ ګنبد کلي ته واستوه.
د دې عملیاتو په پایله کې، څلور فبره د هاوان مرمۍ، د بیړنۍ ځوابوېینې ټیم په هڅو پیدا او خوندي ځای ته له لیږدولو وروسته له دولتي بنسټونو سره په همغږۍ له منځ یوړل شوه.
همداراز، د خنثی کولو د عملیاتو ترڅنګ د سیمې اوسېدونکو ته د ماینونو او ناچاودو توکو د خطرونو په اړه د عامه پوهاوي پروګرام ترسره شول ترڅو په راتلونکي کې د احتمالي پېښو مخه ونیول شي.
نېټه: ۱۴۴۷/۰۲/۰۴ ق
له پېښو سره د مبارزې آمادګۍ ملي اداره
