د جوزجان - مزار شریف په لویه لاره ١٣ بېلابېلو د تیلو ټانکونو ته توصیه لیک ورکړل شو
له اورلګېدنې څخه د مخنیوي دایمي تخنیکي کمیټې د کاري پلان او د جوزجان ولایت له پېښو سره د مبارزې آمادګۍ ریاست د لارښوونې له مخې، تعیین شوي پلاوي له وړاندې د جوزجان - مزار شریف په لویه لاره د تیلو ۱۵ ټانکونو ته له اور لګېدنې څخه د مخنیوي د معیاري کولو چک لیستونه سپارلي وو، چې نن بیا وکتل او راټول شول.
د دې ارزونې پر بنسټ، د تیلو له ۱۵ ټانکونو څخه یې ۱۳ د بېلابېلو معیارونو څخه سرغړوونکي وپېژندل شول او په رسمي ډول د کمیټې لخوا ورته توصیه لیک ورکړل شو ترڅو په راتلونکي کې د معیارونو سره سم عمل وکړي.
نیټه: ۱۴۴۷/۰۲/۰۳ هـ ق
له پېښو سره د مبارزې آمادګۍ ملي اداره
