په پنجشیر ولایت کې دوي ګواښوونکې ډبرې په خوندي توګه له منځه یووړل شوې
د طبیعي پېښو د خطرونو د کمولو او د وقایوي اقداماتو د پیاوړتیا په موخه، د پنجشیر ولایت په دره ولسوالۍ کې د ښویېدو له خطر سره د مخ ډبرو د ټوټې کولو او له منځه وړلو د دوو مهمو پروژو کار پیل شو.
یادې پروژې د هغو دوو لویو ډبرو د ګواښ له منځه وړلو لپاره پیل شوې دي، چې د سرپرکرامان او زردي تمبنه کلیو د اوسېدونکو ځان او مال یې له جدي خطر سره مخ کړي وو.
د دې پروژې کار له پېښو سره د مبارزې آمادګۍ رئیس او د دره ولسوالۍ د ولسوال په شتون کې رسماً پیل شو، او اړونده سیمې قراردادي شرکت ته وسپارل شوې. هممهاله، یو تخنیکي ټیم هم ګمارل شوی، تر څو د کار د کیفیت، پلي کېدو او پلان سره سم پرمختګ دوامداره وڅاري.
دا پروژې د طبیعي پېښو د خطرونو د راکمولو، د سیمې د اوسېدونکو د امنیت د ټینګښت او د احتمالي تلفاتو د مخنیوي په برخه کې مهم او اغېزناکه ګام بلل کېږي.
نېټه: ۱۴۴۷/۰۱/۱۹ هـ ق
له پېښو سره مبارزې آمادګۍ ملي اداره
