له پېښو سره د مبارزې آمادګۍ ملي ادارې خپل ۱۳ عرادی نقلیه وسایط وپلورل
نن سهار، د شنبې په ورځ، له پېښو سره د مبارزې آمادګۍ ملي ادارې، د افغانستان اسلامي امارت د ریاست الوزراء مقام د ۱۴۴۷/۱/۵ نېټې د ۸۶ ګڼې حکم پر بنسټ، خپل ۱۳ بېلابېل ډوله نقلیه وسایط د آزادې مزایدې (لیلام) له لارې د یو هیئت تر نظر لاندي چي د ریاست الوزراء لخوا ټاکل سوې وه، وپلورل.
یاد وسایط، چې د ادارې په اوسني جوړښت کې د ګټې اخیستنې وړ نهوو، د ټولو قانوني اصولو او طرزالعملونو په پام کې نیولو سره، په شفافه او علني توګه مزایدې (لیلام) ته وړاندې شول.
د پلورل شویو وسایطو ټولیز ارزښت ۵,۹۳۴,۰۰۰ افغانۍ (پنځه میلیونه، نه سوه څلور دېرش زره افغانۍ) و، او دا اقدام د سرچینو د اغېزناک مدیریت، د اداري شفافیت لوړوالي او د اسلامي امارت د عوایدو د زیاتوالي په موخه ترسره شو.
د ریاستالوزرا د حکم سره سم به همدا ټاکل شوی هیئت، له پېښو سره د مبارزې آمادګۍ ملي ادارې لپاره به د یاد حکم سره سم سر د سبا څخه د نویو موټرانو د پیرلو بهیر پیل کړي.
دا مزایده په علني ډول او له پېښو سره د مبارزې آمادګۍ ملي ادارې د مالي او اداري عمومي رئیس, محترم الحاج مولوي محمد علم عالمیار، او د چارو د محترمې ادارې او د مالیې وزارت د استازو په شتون کې ترسره شوه، تر څو د پروسې بشپړ شفافیت ډاډمن شي.
د یادونې وړ ده، چې د دغو وسایطو پلور د اسلامي امارت د اداري اصلاحاتو او د سرچینو د ښه مدیریت د پروګرام یوه برخه ده.
نېټه: ۱۴۴۷/۱/۱۶ هـ ق
له پېښو سره د مبارزې آمادګۍ ملي اداره
