د ننګرهار ولایت له پېښو سره د مبارزې آمادګۍ ریاست ۲۰۰ بېوزله کورنیو ته خوراکي مرستې ووېشلې
له پېښو سره د مبارزې آمادګۍ ملي ادارې او د افغانستان د بیا ودانولو او طبي مرستو موسسې (DARMAN) ترمنځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست د یادې موسسې په مالي ملاتړ، د دې ولایت د بېلا بېلو ولسوالیو او مرکز جلال آباد ښار اړوند ۲۰۰ بېوزله کورنیو ته له سروې وروسته خوراکي مرستې ووېشلې.
په دې لړۍ کې هرې کورنۍ ته د مسؤلینو په شتون کې، ۵۰ کیلو اوړه، ۲۰ کیلو وریجې، ۵ لیټره غوړي، ۲.۵ کیلو لوبیا، ۲.۱ کیلو چای او ۲ کیلو بوره ووېشل شوه.
ورته مهال، د مرستو ترلاسه کوونکو له پيښو سره د مبارزې آمادګۍ ریاست او یادې مؤسسې څخه مننه او قدرداني وکړه او په راتلونکي کې یې د نورو مرستو غوښتنه هم وکړه.
نېټه: ۱۴۴۶/۱۲/۲۴ هـ ق
له پېښو سره د مبارزې آمادګۍ ملي اداره
