د لغمان ولایت له پېښو سره د مبارزې آمادګۍ ریاست ۲۴ زیانمنو کورنیو ته خوراکي مرستې ووېشلې
له پېښو سره د مبارزې آمادګۍ ملي ادارې او د ARCI موسسې ترمنځ د لاسلیک شوي هوکړه لیک له مخې، د لغمان ولایت له پېښو سره د مبارزې آمادګۍ ریاست د یادې موسسې په تخنیکي همکارۍ او مالي ملاتړ، چې د پروژې تمویل کوونکی یې د خوړو نړیوال پروګرام (WFP) دی، د یاد ولایت د بېلا بېلو ولسوالیو اړوند ۲۴ زیانمنو کورنیو ته له سروې وروسته خوراکی مرستې ووېشلې.
په دې لړۍ کې هرې کورنۍ ته د مسوولینو په شتون کې، ۱۰۰ کیلو اوړه، ۹.۱ کیلو غوړی، ۱۲.۵ کیلو دال، ۱ کیلو مالګه، انرژي لرونکي بسکيټ او WSB مواد ووېشل شول.
ورته مهال، د مرستو ترلاسه کوونکو له پېښو سره د مبارزې آمادګۍ ریاست او د یادې موسسې له مرستو خوښي وښوده او د دې ډول مرستو د دوام غوښتنه يې وکړه.
نیټه: ۱۴۴۶/۱۱/۱۶ هــ ق
له پېښو سره د مبارزې آمادګۍ ملي اداره
