د اروزګان ولایت له پېښو سره د مبارزې آمادګۍ ریاست ٨٠ زیانمنو شویو کورنیو ته د نغدي پیسو مرستې ووېشلې
له پېښو سره د مبارزې آمادګۍ ملي ادارې او د اکرو موسسې تر منځ د لاسلیک شوي هوکړه لیک له مخې، د اروزګان ولایت له پېښو سره د مبارزې آمادګۍ ریاست د یادې موسسې په مالي ملاتړ، د وروستیو سېلابونو له امله ٨٠ زیانمنو شویو کورنیو ته د کورونو د جوړولو او ترمیم په موخه، له سروې وروسته نغدي مرستې ووېشلې.
په دې لړۍ کې هرې کورنۍ ته د مسؤلینو په شتون کې، ٢٧٥ امریکایي ډالر ووېشل شول، چې ټولټال د یاد شمېر کورنیو لپاره ٢٢,٠٠٠ ( ٢٢ زره ) امریکایي ډالر ځانګړي شوي وو.
نېټه: ١٤٤٦/١٠/۲۴ ه. ق
له پېښو سره د مبارزې آمادګۍ ملي اداره
