د لغمان ولایت له پېښو سره د مبارزې آمادګۍ ریاست ۶۱ زیانمنو شویو کورنیو ته د غیر خوراکي توکو مرستې ووېشلې
له پېښو سره د مبارزې آمادګۍ ملي ادارې او د مهاجرت نړیوال سازمان (IOM) ترمنځ د لاسلیک شوي هوکړه لیک له مخې، د لغمان ولایت له پېښو سره د مبارزې آمادګۍ ریاست د یاد سازمان په مالي ملاتړ، د دې ولایت د مختلفو ولسوالیو اړوند ۶۱ زیانمنو شویو کورنیو ته له سروې وروسته د غیر خوراکي توکو مرستې ووېشلې.
په دې لړۍ کې د مسؤلینو په شتون کې، هرې کورنۍ ته ١ عدد کورنۍ کیټ، ١ عدد د کمپلو کيټ او د لمريزې بريښنا ګروپونه ووېشل شول او همدارنګه له یاد شمېر کورنیو څخه ۱۹ هغو کورنیو ته، چې کورونه یې په کلي توګه تخریب شوي وو، سربېره په پورتنیو مرستو هرې یوې کورنۍ ته ١ باب خېمه هم ووېشل شوه.
نېټه: ١٤٤٦/١٠/١٩ ه. ق
له پېښو سره د مبارزې آمادګۍ ملي اداره
