له پېښو سره د مبارزې آمادګۍ ملي ادارې او د خوړو نړیوال سازمان (WFP) ترمنځ د ګډو همکاریو په اړه پنځمه تخنیکي غونډه ترسره شوه
نن ورځ چهار شنبه، وروسته له غرمې له پېښو سره د مبارزې آمادګۍ ملي ادارې او د خوړو نړیوال سازمان (WFP) ترمنځ د ګډو همکاریو په اړه پنځمه تخنیکي غونډه د کارکوونکو چارو رییس؛ الحاج مولوي محمد عابد نعماني، د پلان او پالیسۍ رئیس؛ ملا محمد جاوید عباس، د نړیوالو اړیکو ریاست سرپرست؛ برهانالدین خان، د ماین پاکۍ ریاست مشاور؛ ایمل صافي د خوړو نړیوال پروګرام د پروګرامونو تنظیموونکې؛ عادله خالد، د اړیکو د برخې معاون؛ حمید الله افغان، د بیړنیو چارو مسؤل، منصفالله انوري، د انکشافي پروژو د برخو کارمند؛ حفیظ الرحمن ناصري او د دې ادارې د یو شمېر آمرینو په شتون کې ترسره شوه.
د غونډې په پیل کې، بورهان الدین خان د WFP پلاوي ته د ښه راغلاست وویلو تر څنګ د ګډو همکاریو ډاډ ورکړ او راغلي پلاوي ته یې د غونډې د اجنډا په اړه معلومات ورکړل، چې د دې ادارې د اړونده معلوماتو په اړه پریزینټېشن او دوه اړخیزه همکاري پکې شامله وه.
ورپسې، ایمل صافي برابر شوی پریزینټېشن چې له پېښو سره د مبارزې آمادګۍ ملي ادارې د تاریخچې، لاسته راوړنو، ستونزو، ستراتیژیک پلان، دندو، وړاندیزونو او نورو موضوعاتو اړوند وو، وړاندې کړ.
په پای کې، دواړو خواوو د یاد پریزینټیشن په اړه تر هر اړخیزو خبرو اترو وروسته د ګډو همکاریو د لا پیاوړتیا، د فعالیتونو په ترسره کولو کې د همغږۍ د زیاتوالي او د کاري سیمو په اړه د معلوماتو د تبادلې پر اړتیا ټینګار وکړ.
نېټه: ۱۴۴۶/١٠/١١
له پېښو سره د مبارزې آمادګۍ ملي اداره
