د کابل ولایت له پېښو سره د مبارزې آمادګۍ ریاست ٩٤ زیانمنو شویو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د UN-Habitat موسسې ترمنځ د لاسلیک شوي هوکړه لیک له مخې، د کابل ولایت له پېښو سره د مبارزې آمادګۍ ریاست د یادې موسسې په مالي ملاتړ، د کابل ښار په ١٧ مه ناحیه کې د طبیعي پېښو له امله ٩٤ زیانمنو شویو کورنیو ته، له سروې وروسته نغدي مرستې ووېشلې.
په دې لړۍ کې د مسؤلینو په شتون کې، هرې کورنۍ ته ٢٥٠ ډالره نغدې پیسې ووېشل شوې، چې ټولټال د یاد شمېر کورنیو لپاره د کورونو د بیارغونې په موخه، ٢٣,٥٠٠ امریکایي ډالر ځانګړي شوي وو.
نیټه: ۱۴۴۶/١٠/١١
له پېښو سره د مبارزې آمادګۍ ملي اداره
