د ننګرهار ولایت له پېښو سره د مبارزې آمادګۍ ریاست ٢٧٨ بېوزله کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د (RRAA) موسسې ترمنځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست د یادې موسسې سره په مالي ملاتړ، د دې ولایت د سره رود ولسوالۍ ٢٧٨ بېوزله کورنیو ته له سروې وروسته نغدي مرستې ووېشلې.
په دې لړۍ کې، ١٩٩ کورنیو هرې یوې ته د مسؤلینو په شتون کې ١٠,٥٣٧ افغانۍ دخوراکي توکو د پېرلو په موخه او ٧٩ نورو کورنیو هرې یوې ته د تشناب د ترمیم او جوړولو لپاره ٣,٦٢٠ افغانۍ ووېشل شوې، چې ټولټال ٢,٣٨٤,٤٢٣ ( ٢ میلیونه، ٣٨٤ زره او ٤٢٣ ) افغانۍ د یاد شمېر کورنیو لپاره ځانکړې شوي وې.
نېټه: ۱۴۴۶/٩/٢٣
له پېښو سره د مبارزې آمادګۍ ملي اداره
