فراه ولایت ته د وروستیو سېلاب ځپلو سره د مرستو لپاره د خوراکي او غیرخوراکي توکو جوپه ولېږدول شوه
نن ورځ د دوشنبې په سهار، له پېښو سره د مبارزې آمادګۍ ملي ادارې سرپرست الحاج ملا نورالدین ترابي په لارښوونه، فراه ولایت ته د وروستیو سیلابونو له امله د زیانمنو شویو کورنیو سره د مرستو لپاره د خوراکي او غیرخوراکي مرستو د لېږد بهیر پیل شو.
په دې مرستو کې ۱۱۶۰ بورۍ ۲۵ کیلویی اوړه، ۱۴۳۰ تختې چينایي کمپلې، ۴۶۰ تختې پاکستاني کمپلې، ۸۵۰ تختې روسي کمپلې، ۱۰,۰۰۰ عدده صابون شامل وو، چې په کابل کې د یادې ادارې له مرکزي ګدامونو څخه برابر شوي، او ۱۰۰ خیمې، چې د یادې ادارې د قندهار ولایت له پېښو پېښو سره د مبارزې آمادګۍ ریاست له ګدامونو څخه چمتو شوي او د سیلابځپلو سره د مرستو په موخه فراه ولایت ته لېږدول کېږي.
یادې مرستې به له سروي وروسته او د مسئولینو په شتون کې، د فراه ولایت په بېلابېلو ولسوالیو کې زیانمنو شویو کورنیو ته ووېشل شي.
نېټه: ۱۴۴۶/۹/۳
له پېښو سره د مبارزې آمادګۍ ملي اداره
