د ننګرهار ولایت له پېښو سره د مبارزې آمادګۍ ریاست ٣٢٣ زیانمنو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د UN-HABITAT موسسې ترمنځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست د یادې موسسې په مالي ملاتړ، د دې ولایت د سرخرود ولسوالۍ اړوند ٣٢٣ زیانمنو کورنیو ته له سروې وروسته نغدي مرستې ووېشلې.
په دې لړۍ کې، هرې کورنۍ ته د لومړي قسط ٣٠٠ امریکایي ډالر د مسؤلینو په شتون کې ووېشل شول، چې ټولټال ٩٦,٩٠٠ ډالر د یاد شمېر کورنیو لپاره ځانګړي شوي وو.
د یادونې وړ ده، چې یادې مرستې له دې کورنیو سره د کورونو د ترمیم په موخه ترسره شوې.
نېټه: ۱۴۴۶/٨/١٩
له پېښو سره د مبارزې آمادګۍ ملي اداره
