له پېښو سره د مبارزې آمادګۍ ملي ادارې سرپرست د ۳۴ ولایتونو له مسؤلینو سره په آنلاین ډول غونډه ترسره کړ
نن ورځ سه شنبه، له پېښو سره د مبارزې آمادګۍ ملي ادارې سرپرست الحاج ملا نورالدین ترابي د هېواد د ټولو ۳۴ ولایتونو ولایتي مسؤلینو سره په آنلاین ډول غونډه ترسره کړه، په دې ناسته کې د یادې ادارې ولایتي رئیسانو او د یادو ادارو استازو ګډون کړی و.
ترابي صاحب وویل چي د لومړۍ ځل لپاره مو د انلاین غونډه جوړه کړه چي له دې وروسته به کله کله د اړتیا سره سم داسې غونډي ترسره کوو.
په دې آنلاین غونډه کې تر ټولو مهم بحث د هغو سیمو ارزونه وه چي خطر ورته متوجې وې او استنادي د یوالونو یا چیک ډیمونو ته ضرورت لري، د خلګو مشکلات په حل کیږي او خلګ د خطر څخه ژغورل کیږي.
ترابي صاحب د ټولو ولایتونو مسؤلینو ته لارښوونه وکړه چې د خپلو والیانو سره تر مشوری وروسته مونږ ته په هر ولایت کی د یو میلیون افغانیو په ارزښت تر خطر لاندې وقایوی پروژی په نښه کړي تر څو مونږ ژر تر ژره په ټول هیواد کی اضطرار پروژې پیل او تطبیق کړو.
د ۳۴ ولایتو نو ولایتی مسؤلینو هر یوه په خپل نوبت سره د خپل ولایت اړیني اضطراري پروژې په ګوته کړلې.
د غونډي په وروستیو کي ترابي صاحب پر ټولو ولایتی مسؤلینو ټینګار وکړ چي د خپلو اړونده واي صاحبانو سره تر مشوری وروسته ژر تر ژره هغه سیمي په نښه کړي چي پروژو ته اړتیا لري چی ډیر کورونه، باغونه او ځمکی یی تر تهدید لاندی وی او په کم مصرف خلګو ته زیات خدمت وسي.
نېټه: ۱۴۴۶/۸/۱۲ هــ ق
له پېښو سره د مبارزې آمادګۍ ملي اداره
